Auzolanak
Auzolanak Basherri Taldeetako zutabe garrantzitsuenetako bat dira. Beharbada Uztaro Kooperatiba izango da aintzinako ohitura honi bultzada handien eman dion taldea (ikusi: http://uztaro.nireblog.com/cat/auzolana), baina poliki poliki beste taldeetan ere indarra hartzen ari da.
Zergatik dira auzolanak hain garrantzitsuak guretzako?:
- Mendeetan zehar baserrien arteko elkartasun-adierazpena izan den ohitura delako.
- Baserritarrekin harremana sendotzen delako.
- Hartzaileok gure artean elkar ezagutzen laguntzen duelako, talde sentimendua indartuz.
- Gure baratzarekin eta gure barazkiekin kontaktu zuzena izaten dugulako, baserriko lana baloratzen laguntzen digulako eta baserriko lan astunenak arintzen laguntzen diegulako (hesiak ipini, bilketak egin, ximaurra atera eta zabaldu…)
- Elkarrekin bazkaldu eta ONDO PASATZEN dugulako!!
Auzolan batetan parte hartu nahiko bazenu, begiratu AGENDA atalean ea noiz den hurrengo auzolan deialdia edo MAPA atalean begiratu non daukazun basherririk gertuena eta beraiekin kontaktatu dezakezu!
