AUZOLANA: Hazi-zinta

<

Azenario hazia hain da txikia, 800 hazik gramo bakar bat pisatzen dutela. Hain txikia izanik zaila da eskutan hartzea banan-bana ereiteko. Horrexegatik, askotan, hondarraz nahasten da, gehixeago sakabanatzeko asmotan edo. Halere, gehienetan, toki berean hazi bat baino gehiago erein eta landare gehiegi ernetzen dira. Hala, landarea ernetzen hasten denean bakandu behar izaten da, hazi eta landaren zenbait galduz.

Galera hau gerta ez dadin bada aukera bat. Aitzbitarte baserriko jabeak aipatu ninduen trukoa da, kontsumo taldean auzolanean egin daitekeena gainera. Ereiteko garaian oso baliagarria gerta daitekeena, merkea eta egiteko erraza; Hazi-zinta.

Materiala:

  • Komuneko papera
  • Hirina
  • Ura
  • Ixipu edo pintzela
  • Zinta metrikoa
  • Haziak

Zintaren eraiketa:

  1. Luzeran 2 edo 3 metroko komumeko paper zinta hartuko dugu.
  2. Zinta luzetara erditik moztuko dugu, 2 edo 3 metroko bi zinta luze lortuaz.
  3. Piezak banaka hartu eta berriz ere luzetara erditik doblatuko dugu. Tolestura ondo markatu, erregelaz lagunduz edo.
  4. Tolestura ireki eta 7 bat cm-tik behin marka bana egizu zintaren erdialde batean.
  5. Hirina eta ura nahasi eta yogurta baino lodiaxeago izango den nahasketa egin.
  6. Ixipuaz, pintzelaz,eta hirin pastaz pinta itzazu zirkulotxoak papereko marketan, hazia pastaren gainean jarri eta paperaren beste erdia itsatsi behatzaz zapalduta.
  7. Utzi ondo lehortzen.
  8. Ontzi batean hainbat hilabetez gorde liteke. Horretarako sukaldeko papera zabaldu eta erdian, esne-hauts koilara pare bat bota, paketetxo antzekoa egizu eta lotu listaiaz. Esne-hautsak hezatasuna bilduko du eta hazi-zinta ondo mantentzen lagundu.

Azenarioak erein nahi ditugunean, lurra kanalean ireki, hazi-zinta zabaldu eta lurrez estali, ureztatzea besterik ez da faltako.

Horra hor beraz, kontsumo taldeak auzolanean egin dezaken ekimentako bat.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

%d bloggers like this: