LURRAREN DEFENTSA: Apaiziartzako egitasmoa arriskuan!

Sin título

Apaiziartzako kideek pairatzen ari diren mehatxu eta probokazioen aurrean, BasHerri Saretik babesa eskeintzen diegu eta herritar guztiak, bereiziki Basherri taldeetako kideak, animatzen ditugu egitasmoa defendatzeko antolatzen diren ekimenetan parte hartzera.

——————————————————————————

Hemen duzue Apaiziartzako egitasmoko kideek BasHerri Sareari bidalitako gutuna:

APAIZIARTZAKO EGITASMOA ARRISKUAN
2011.urtean Lezoko pertsona talde bat Gipuzkoako Foru Aldundiaren jabetza duen
Gaintxurizketako Apaiziartza baserria erabiltzen hasi ginen.
Krisi ekonomiko-ekologiko-sistemikoaren aurrean beste bizimodu baten aldeko
apustua egitearen beharra hausnartu genuen. Bertakoak izanik, bertan bizi eta lan
egiteko hautua egin eta lurrarekiko harremana nahiz kontsumo praktika zuzenagoen
bilaketan urratsak emanez.

Helburuen artean:
– Oarsoaldeako hainbat familiek adierazitako elikadura beharrak asetzea, garaiko
barazki ekologikoak ekoitzi eta kontsumo taldeak antolatu, auzolanean
oinarritutako sarea osatuz.
– Azpiegitura erraldoein mehatxupean dauden Gaintxurizketako nekazal lurrek
duten balioa berreskuratzea, nekazal ihardueraren gainbeherari alternatibak
eskainiz.
– Baserria oinarri hartuta, proiektu hau aurrera eramateko ezinbesteko bizi
baldintzak bermatzea, pertsonen egoera ekonomiko eta sozialari irtenbidea
emanez.

Ibilbidea:
Bi urte hauetan, hiru kontsumo talde osatu dira Apaiziatrtzaren baitan. 75 famili
bertatik elikatzen gara, auzolanean eta autoeraketan parte hartzen dugu,
ordaindutako kuoten bidez sortutako gastoei aurre egiten diegun bitartean. Baserria
lanerako behar dugun azpiegitura eta pertsona batzuen etxebizitza beharra (hiru heldu
eta haur bat) asetzeko erabiltzen dugu.
Era honetan, negozio partikular batzuek noiz txikituko zain dagoen ondare publikoa
interes kolektiboetarako erabiltzea lantzen ari gara.

Arazoak:
Bi urte hauetan ez dugu inolako eragozpenik izan For Aldundiaren aldetik, izan ere,
Azaiziartzako egitasmoa ondo txertatzen da egungo kudeatzaileek azaldu dituzten
printzipio teorikoekin.
Auzoko laguntza ezinbestekoa izan da hasierako ideia errealitate bat izateko.
Harremanak onak dira. Gero eta jende gehiago hurbiltzen da laguntzera eta ikastera.
Arazoa udazken honetan sortu zaigu, etxebizitza partikularrak diren baserriaren beste
erdiko jabeekin. Justu P. I. E. bizilaguna urte mordoa kanpoan egin
eman ondoren gu kaleratzeko asmoarekin itzuli denean. Pertsona hau ezaguna da
inguruetan bere jokabide mafioso eta negozio espekulatzaileengatik. Baserritarrei
presioa eginez, terrenoak merke erosita negozio inmobiliarioetara bideratuz eta
patrika beteaz. Kontu ilun ugarirengatik aski ezaguna da auzoan eta langile asko
zorretan utzi ditu.
Beste bizilagun batekin batera, gurekiko jarrera oso oldarkorra dauka. Mehatxu eta
indarrez gain, geuk egindako lanaz baliatzen hasi da. Biltegi baterako konpontzen ari
garen txabolaz jabetu nahi du, oiloak sartu ditu, autoarekin bidea blokeatzen digu,
etabar. Bere helburua, liskarrak sortuz Diputazioak gu kaleratzea da. Salaketak jarri
omen dizkigu eta Udaltzainak behin eta berriro etortzen dira. Ertzaintza ere agertu
zaigu. Finka prtikular batean omen gaudelako eta obretarako baimenik ez dugulako
salatu omen gaitu.
BasHerri Taldeei zuzendua:
Egoera guzti honek arriskuan jartzen du egindako ibilbidea. Jasaten ari garen presioaz
gain Apaiziartzako egitasmoa bera kolokan jartzen ari dira.
Gure aldetik, probikazioan ez erortzea, baina geure lana tinko defendatzea erabaki
dugu. Astero batzar orokor bat egiten dugu, aktibitateak eta txandak antolatu.
Elkartasun kanpaina bati hasiera eman diogu, informazioa zabalduz, sinadura bilketa
bat eginez eta atxikimenduak bilduaz

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

%d bloggers like this: